Supoño que xa todos veríades esta película, pero eu era a primeira vez que a vin. Poucas veces vexo as películas que todos ven. Canto máis falan delas máis tardo en velas. Supoño que será para ter unha visión con menos prexuizos, ou algo.
Pouco se pode decir da película que non se teña dito xa. Unha historia realista, crúa e á vez amable. Unhas personaxes que se fan querer a pesar de tódo-los seus defectos. Un retrato dunha cidade e dunha época local pero que podería ser calquera sitio de Europa.

Ah, si. Fixen o meu derradeiro exame (eso espero) Empezarei a pasa-los días ó sol. Mañá sen moito relax que terei que volver a poñer a andar toda a trangallada virtual.

¿Por que os de cuatro teñen a teima de pór os capítulos das serie de dous en dous? Catro tempadas de Crossing Jordan en pouco máis de dous meses (dous capítulos de luns a domingo). Mañá serie nova, House. Dous capítulos seguidos, claro. Se só botaran un daríame tempo de ver O último boy scout.